Kumpulan Puisi Bahasa Sunda Berbagai Tema dan Terjemah Bahasa Indonesianya
Kamis
01-06-2023 /
17:08 WIB
--
Tanah Sunda - Ajip Rosidi
Héjo pagunungan
Paul lautan
Héjo
Paul
Langit na haté kuring
Masing di mana kuring nangtung
Masing ka mana kuring leumpang
Tanah lémbok tempat bumetah
Angin nyéot nyiuman tarang
Masing di mana anjeun nunjuk
Masing iraha anjeun cumeluk
Kuring mo mungpang kuring rék datang
Neueulkeun tarang neueulkeun jantung
Kuring tungtung teuteupan
Kuring tungtung
Teuteupan
Tungtung bedil
Ngincer dada
Kuring geus nyaksian getih ngabayabah
Getih maranéhanana nu mikacinta anjeun
Kuring geus nyaksian panon carelong tanggah
Jasad nu ruksak ngalungsar na dada anjeun
Héjo pagunungan paul lautan
Taya kamarasan ngan katugenahan
Héjo pagunungan paul lautan
Taya katengtreman ngan ancaman
Ngan lantaran kuring cinta
Ngan lantaran kuring tresna
Langit hibar lembur musnah
Jalan lecek ngabalungbung ka kota
Kembang beureum buah biru
Kembang wéra kembang jayanti
Tanah tempat kuring sideku
Ngurugan mun kuring tepi ka pati
Jatiwangi, 1956
Baca juga: Bahasa Sunda Gede Hulu Artinya Apa Ya? Salah Satu Sifat yang Dibenci Allah Swt dan Sesama Manusia
Baca juga: Apa Arti Sawangsulna dan Contoh Kalimatnya? Berterima Kasih Dengan Sopan Dalam Bahasa Sunda
Editor:
Anis Ulfa
