Download Contoh Teks MC Pernikahan Bahasa Jawa PDF/DOC Gratis dan Tinggal Print Aja
--
Baca juga: Contoh Doa Penutup Acara Seminar, Singkat Padat dan Khidmat
Baca juga: Contoh Teks Panata Acara Bahasa Sunda Singkat Padat dan Jelas, Mudah Dihafalkan!
Ingkang sepisan, kula minangkani punapa ingkang dados kersanipun Bapa Bambang Sutopo sekalian dalasan sedaya kulawarga, ngaturaken pambagya sugeng ing sarawuh panjenengan minangka Dhuta Saraya Pasrah saking Bp Gito Suwarno sekalian Ibu Tuginem-sapendherek, ingkang pidalem wonten ing Dukuh JatisarI, Desa Jatimulyo, Kecamatan Petanahan, Kabupaten Kebumen.
Kaping kalih, menggah salam taklim Bapa Gito Suwarno sekalian lumantar panjenengan kula tampi, dhawah sami-sami, kanthi atur "wa'alaikumussalam wr.wb".
Wondene menggah keplasing sedya panjenengan hamasrahaken utawi hanglarapaken temanten sarimbit nun inggih Roro Niken Sunarsih, SKM, ingkang sampun kaleksanan Ijab Qabul daup kalian Bagus Rangga Sholichin, S.Pd, kala dinten Kamis Pon, 29 November 2018.
Bp-Ibu Bambang Sutopo, sakulawarga hanampi kanthi suka gumbiraning manah....
Saklajengipun, mbok-bilih samudayanipun sampun satata samapta, temanten kekalih tumunten badhe kalenggahaken, manut tatacara lan pradatan ingkang lumampah wonten kampung mriki....
Dumateng Bapa Suwardi sak-penderek, kula aturi pinarak lenggah wonten papan ingkang sampung kasediaaken kanthi mardiko mardikaning manah, ngantos purnaning pahargyan.
Panyuwunipun Bp-Ibu Bambang Sutopo dalasan kulawarga, mugi panjenengan sedaya kepareng paring donga pangestu dhumateng putra temanten kekalih. Kanthi pangajab mugi temanten kekalih ingkang badhe nggebyur-lelumban wonten madyaning bebrayan agung, tansah manggih bagyo mulya, dados kulowargo ingkang Sakinah, ma waddah, wa rohmah, sumrambah ing samudayanipun. Aamiin ya Robbal 'aalamiin.....
